Golaha Guud (Supreme Council) 2024

Downtown Hilton Hotel, Portland OR

Golaha Guud 2024, oo ah golaha sare ee maamula SEIU 503, ayaa ku shiri doona Hudheelka Downtown Portland Hilton Hotel 1-4 Agoosto, 2024. Tababar loogu talagalay guddoomiyeyaasha iyo xubnaha Golaha Guud ee la magacaabay ayaa la qorsheyn doonaa inuu dhaco kahor inta aysan isku iman Golaha Guud.

 

Xubnaha ka tirsan urur-hoosaadyada SEIU 503 sublocals oo dhan ayaa dooran doona ergada cod-bixinta ee Golaha Guud ka codeyn doonta inta lagu gudajiro doorashooyinka urur-hoosaadka bilaha soo socda gudahooda. Urur-hoosaad kasta ayaa leh ugu yaraan hal ergo, halka tirada ergooyinka urur-hoosaadyada waaweyn lagu qaybsado qaacido la dajiyay. Xubnaha Guddiga Agaasinka—saraakiisha gobolka oo dhan, Agaasimeyaasha, iyo Agaasimayaal Xigeenada—waxay si toos ah u noqdaan ergada Golaha Guud iyadoo loo eegayo jagooyinka loo doorto ee ka midka ah guddigayaga.

 

Eeg Shaxda Doorashada Ururka ee ku jirta mareegteena bit.ly/503Elections24 si aad u hesho wixii tafaasiil ah ee khuseeya doorashooyinka urur-hoosaadyada. Doorashada cusub iyo tan la cusboonaysiiyay iyo macluumaadka Golaha Guud ayaa la soo gelin doonaa mareegahayaga marka ay diyaar noqdaan.

 

Qaraarada Golaha Guud

Qaraarka Golaha Guud waa werinta SEIU 503 ee sharciga la soojeediyay, xubin kasta oo ka mid ah ururkayaga wuxuu xaq u leeyahay inuu sharci-dejin sameeyo. Si uu tixgelin u siiyo Golahayaga Guud, qaraarka waa inay si rasmi ah u soo gudbiyaan urur-hoosaadyada, Guddiga Agaasinka, ama Guddiga Joogtada ah ee lagu dhex xusay Xeer-hoosaadyada Ururkayaga. Haddii ay dhacdo in urur-hoosaadyadu aysan ayidin qaraarka la soojeediyay, qoraaga qaraarku wuxuu qaraarka u soo bandhigi karaa Guddiga Dib-U-Eegista Qaraarada kadib markuu helo saxiixyada konton (50) xubnood oo ka mid ah ururka. Saraakiisha urur-hoosaadyada ayaa mas’uul ka ah inay xubnaha ka caawiyaan habka qaraarka loo diyaariyo. Kafaalaqaadida qaraarka ayaa sidoo kale ka dhigan in aan wax xal ah oo lagu qanci karo ama lagu muujin karo dhibaatada ama arrinta aan lagu gaari karin tallaabo kasta aan ka ahayn mida Golaha Guud.

 

Qaraarka la soojeediyay waa inuu lahaado mawduuc u soo koobaya ujeeddada sida ugu macquulsan. Waa inay ku bilawdaan hal ama in ka badan farqooyinka “halka (Whereas)” oo qeexaysa sababta uu ururku wax u samaynayo, u beddelayo ama u hirgelinayo waana in lagu soo gebagebeeyo “Haddii Qaraarka La Gaaro (Be It Resolved)”—tallaabada la soo jeediyay. Qaraarka la soojeediyay waa inuu koobo hal mowduuc oo keliya iyo arrimaha la xiriira. Si loogu tixgeliyo mid waqtiyeysan, qaraarka waa in loo gudbiyo Guddiga Qaraarada ugu yaraan 90 maalmood kahor inta aysan kulmin Golaha Guud. Guddigu wuxuu soo gudbin karaa qaraarada ilaa 30 maalmood kahor inta aysan kulmin Golaha Guud. Golaha Guud waxaa la qorsheeyay inay kulmaan Jimcaha, 2-da Agoosto, 2024. Tani waxay ka dhigan tahay in qaraarada laga helo urur-hooaadyada, guddiyada joogtada ah ee Xeer-hoosaadkayaga iyo qaraarada ay saxiixaan ugu yaraan 50 xubnood oo ka tirsan ururka ayaa la filayo 3-da Maayo, 2024. Ururkayagu wuxuu bixin doonaa aqoon-is-weydaarsiyada qorista qaraarada marka la gaaro 24-ka Janaayo, 2024 saacadu markay tahay 5:30 galabnimo iyo 27-ka Janaayo, 2024 saacadu markay tahay 10:00 subaxnimo.

 

Eeg Xeer-hoosaadyada SEIU 503, Qodobka IX – Golaha Guud si aad u hesho wixii macluumaad dheeraad ah, ee ku jira mareegahayaga:

www.seiu503.org.

 

 

Awooda Tallaabada Xubinta:

Sugidda Kunturaadaha Fiican ee Loogu Talagalay Shaqaalaha Dawladda iyo Shaqaalaha Daryeelka Guriyeed

Waxaa qortay Melissa Unger, Agaasimaha Fulinta ee SEIU 503

 

Hal-ku-dhigeenu waa “Wadajirku Waa Awood” oo marnaba taasi dhab ma noqoto ilaa isku duubni lagu wajaho kunturaadaha waaweyn.

Waxaan joognaa xilli ururadu ay caan yihiin si ka duwan waayihii hore marka la eego taariikhda dhow. Ururada ayaa guulo waaweyn ka sameeya daafaha guud ee dalka: United Auto Workers, United Parcel Service (UPS) iyo qoraayada Hollywood ayaa ka mid ah haddii aan dhowr ka magacaabo, waxaana tusaale u dhow halka ku suganahay noogu filan – Shaqaalaha Kaiser Permanente oo kadib markay shaqo joojin sameeyeen – dhamaantood awoodeen inay ku guuleystaan kunturaadyo waaweyn. Iyaga oo ka faa’iidaysanaya suuqa shaqada ee weli aadka u adag, isku duubnida ururka, iyo mushaarka shirkadaha ee xad-dhaafka ah, shaqaalahani waxay diiradda saareen sidii ay ugu guuleysan lahaayeen inay helaan mushaar fiican iyo goobo shaqo oo fiican.

Innagoo ahna ururka SEIU 503, waxaan ku guuleysanay qaar ka mid ah kunturaadahii ugu fiicnaa tobanaankii sano ee la soo dhaafay ee loogu talagalay shaqaalaha gobolka: kordhinta mushaarka nolol-maalmeedka iyo wax kaloo badan; iyo kunturaada loogu talagalay shaqaalaha daryeelka guriyeed iyo shaqaalaha taageerada gaarka ah oo aan keliya kordhin doonin mushaarka ay aadka ugu qalmaan, balse sidoo kale ku abaalmarin doonta heer mushaar shaqaalaha ururka u sii shaqeeya. Guulahaasi ayaa suurtagal noqday maadaama xubnuhu ay isku duubni muujiyeen, is abaabuleen ayna tallaabo qaadeen. Kumanaan ka tirsan xubnaha ayaa ka soo qaybgalay isu soo baxyada shaqaalaha (xitaa xilliga kulaylaha), waxay iyagoo tradoodu badan tahay ka soo muuqdeen munaasabadahii ka dhacayay magaalada iyadoo uu roob da’ayo, waxay ka soo qayb galeen mudaaharaadyadii wargelinta ahaa ee ka dhacayay gobolka oo dhan, waxay xiran jireen korgashi carwaajis ah xilliyada ay shaqaynayeen, waxayna go’aan qaateyaasha u direen kumanaan iimaylo ah si ay u dalbadaan mushaar kordhin macno leh iyo waxyaabo kale oo mudnaan leh.

 

Waan ku guuleysanay ololahan markay xubnuhu tallaabo qaadeen. Marka aynu isku duubni muujino oo aynu is-muujino, waxaynu yeelanaa awood xooggan oo aan la iska indho-tiri karin. Maamulku wuxuu aqoonsan yahay in aynu awood leenahay iyo in xubnaheenu ay ka hadli doonaan arrimaha jira ilaa iyo inta aan miiska gorgortanka kaga gaarnayno heshiis horudhac ah oo ay xubnuhu taageeri karaan.

 

SEIU 503 ahaan, waxaanu nahay qayb ka mid ah bulshada is-taageerta oo midba midka kale kor u qaado. Isbahaysigani keliya ma xoojinayo go’aanada aan gaarno, wuxuu naga dhigayaa kuwo awood badan leh shaqaale iyo Urur ahaanba. Marka aynu si firfircoon ugu lug yeelano hawlaha ururkayaga, waxaanu dhisnaa isku xirnaan, waxaan wadaagnaa khibradaha, oo wax ayaynu iska baranaa. Inta badan, waxaan tusnaa dunida kale inaan u harjadi doonto waxyaabaha ay xaqa u leeyihiin shaqaalaha Oregon.

 

Marka aynu dadaalno, waxaan fariin adag u diri karnaa shaqo-bixiyeyaasha, waxaan yeelan karnaa mawqif gorgortan oo adag, waxaan kor u qaadi karnaa go’aankeena wadajirka ah, waana isku duunaan karnaa. Si wadajir ah, ayaan ugu guuleysan karnaa kunturaadaha shaqaaluhu rabaan waxaana mudanahay inaan abuurno mustaqbal wanaagsan oo loogu talagalay dadka oo dhan.

 

Tababarrada Hoggaanka Xubnaha

Ma tixgelinaysaa inaad noqoto hoggaamiye la soo doortay oo ka tirsan Ururkayaga, sida wakiil urur-hoosaad, Gole Guud ama ergada gorgortanka? Doorashooyinkan waa inay yeeshaan habraacyo iyo xeerar y gaar ah.

 

Ku biir mid ka mid ah labada tababar ee ka dhici doona Zoom-ka si ay kuu caawiyaan inta aad ku jirto geedi-socodka oo baro xeerarka doorashooyinka wakiilka urur-hoosaadka.

 

Khamiista, 14-ka Diseembar, 5:30 galabnimo ilaa 7:30 habeenimo Sabtida, 6-da Janaayo, 10:00 subaxnimo ilaa Duhurkii

 

Filo iimaylka laguu soo diri doona ee wata macluumaadka dheeraadka ah ee ku saabsan tababaradan.

 

Dib-u-milicsiga Sannadka 2023

Xubnaha SEIU Local 503 waxay ku guulaysteen kunturaadyo taariikhi ah, Waxay Abaabulaan Kalkaalisooyinka

Shaqaalaha Gobolka

Kadib dhowr bilood oo wadaxaajood ah, kooxda gorgortanka gobolka ee Ururkayaga ayaa ku guuleysteen kunturaad laba sano ah oo taariikhi ah bishii Luulyo, iyo Agoosto, xubnaha ayaa si aqlabiyad ah ugu codeeyay oo wada ayiday.

Sixitaanada mushaarka nolol-maalmeedka (COLAs) ayaa bixin doona mushaar fiican waana tallaabo weyn oo loo qaaday dhanka xallinta dhibaatada haysata shaqaalaha gobolka Oregon. Ururkayagu ayaa cilmi-baaris soo saaray horaantii sanadkan taasoo lagu ogaaday in hay’adaha dawladu ay wajaheen heerar sare oo shaqo ka tegis ah ayna ka banaadeen 9,000 oo boos waaxaha oo dhan, taasoo ka dhalatay mushaar yarida.

 

“Waxaa jiray waqtiyo aan dareennay niyad-jab, balse ugu dambeyntii, waxaan gaarnay heshiiskii ugu fiicnaa muddo tobanaan sano ah ee loogu talagalay shaqaalaha gobolka, iyadoo lacagtu geli doonto jeebabka shaqaalaha sida ugu dhakhsaha badan,” ayuu yiri guddoomiyaha kale kooxda gorgortanka, Ibrahim Coulibaly.

Shaqaalaha gobolku waxay arki doonaan koror mushaar oo dhan 13-24% labada sano ee soo socota – ku dhawaad laba jibaar qaddarta uu gobolku markii hore soojeediyay. Kororka waxaa ku jira sixida kharashyada nolol maalmeedka ee dhan 13.05%, midka ugu fiican ee Waqooyi-galbeed ee Baasifiga.

“Kooxdu waxay si weyn ugu guulaysatay arrimo ay horaan wax uga qaban waayeen maamulka,” ayuu yiri guddoomiyaha kale gorgortanka Austin Folnagy. “Waxaan go’aansanay inaan hubino inuu gobolka ogyahay sida keliya ee lagu xallin karo dhibaatada shaqaalaha gobolka ay tahay in si macno leh kor loogu qaado mushaarka loogu talagala shaqaalaha ah, abuurno goobo shaqo ammaan ah, si dheeraad ah loogu siman yahay oo la inoo oggolaado inaan sii wadno dhisidda awoodda ururka.”

 

Shaqaalaha Kalkaalinta ee Guriyeed

 

Kalkaaliyeyaasha Shatiyaysan ee Avamere (LPNs) ayaa abaabulay kuna biiray Ururkayaga – waxayna si dheeraad ah – ugu guuleysteen qandaraaskoodii ugu horreeyay! Kuwani waa kooxdii ugu horraysay ee LPNs-yo ah oo ebid ku guulaysata qandaraaska ururka ee qeybta kalkaalinta guriyeed ee Oregon.

Shaqaalaha Kalkaalinta ee Guriyeed ayaa u soo halgamay, sanadkanna ku guuleysteen jaranjaro shaqeed ee kooxda Avamere oo ay ku jirto heerka koowaad ee mushaarka ee loogu talagalay jagooyinka shaqo ee daryeel-bixiyaasha aan shatiga lahayn ilaa jagooyinka LPN-yada takhasuska leh ee hoos yimaada hal qandaraas.

Boqollaal ka mid ah LPN-yada ayaa hadda ka mid noqon doona Ururkeena waxayna si buuxda u heli doonaan xuquuqaha iyo macaashyada ururka, sida daryeel caafimaad oo ka wanaagsan oo qiimo jaban, gunnooyinka shaqada dheeraadka ah iyo cimri dheerida shaqo, iyo ilaalinta badqabka ee aasaasiga ah.

 

Bixiyeyaasha Daryeelka Guriyeed

Bixiyeyaasha daryeelka ayaa sidoo kale codeeyay si ay u ansixiyaan qandaraaskooda bisha Noofeembar, oo ay ku jiraan dhowr arrimood oo mudnaan leh, ayna ka mid yihiin koror dhan $1.73 doolar bisha Janaayo 2024 oo loogu talagalay shaqaalaha oo DHAN, fursad loogu talagalay saacadaha shaqo ee dheeraadka ah iyo mushaarka, heer mushaar oo ay heli doonaan shaqaalaha ku sii jira shaqada iyo wax kaloo badan.

“Kani waa mid ka mid ah qandaraasyada ugu fiican ee aan ku guuleysanay tan iyo markii shaqaalaha caafimaadka ee guriyeed laga abaabulay gudaha Oregon,” ayuu yiri guddoomiyaha kale kooxda gorgortanka Patty Falkenstein. “Waxa waqti ah oo lagu bixiyay la kulanka maamulka, mahadhooyinkii fiicnaa iyo kuwii xumaa iyo niyad-jabkii – iyagoo ahaa kuwo daal badan – waxay ahaayeen kuwo u-qalmay natiijooyinka la gaaray.”

“Waan ku guuleysanay arrimihii aan aaminsanayn: mushaar fiican, sharafida, iyo ixtiraamida xirfadeena,” ayuu yiri guddoomiyaha kale kooxda gorgortanka, Cristal DeJarnac.

 

Laga bilaabo xilliga la samaynayo daabacaaddan, xubnaha dugsiyada tacliinta sare iyo xubnaha Dugsiyada Dadweynaha Portland (Portland Public Schools) kama aysan gaarin wax heshiisyo horudhac ah qandaraasyadooda.

SEIU 503

OGEYSIISKA DOORASHOOYINKA

COD

SEIU 503 waa urur dimuqraadi ah, xubin ay xubnuhu maamulaan oo ka kooban 70,000 oo qof oo u shaqeeya daryeel-bixiyeyaal ahaan ama qabta shaqooyinka dawladda ee gobolka. Sannadka 2024-ka, waxaanu u dooran doonaa in ka badan 700 hoggaamiyeyaal jagooyin kala duwan, sida Guddiga Agaasimeyaasha, saraakiisha urur-hoosaadyada, iyo saraakiisha gobolka oo dhan. Dadka ciyaari doona doorarkan ayaa qaabayn doonaan hawsha Ururkayaga labada sano ee soo socota marka aynu ka gorgortameyno qandaraasyada adag, aynu matalayno shaqaalaha, iyo marka aynu kobcayno.

Inaad is-sharraxdo oo dhiibato codkaaga xilliga doorashooyinka ururka waa qaabka ugu fiican ee aad u qaabayn karto geedi-socodka Ururkayaga. Codkaagu waa muhiim. Ku biiri wadahadalka.

Ka eeg gudaha qeybta doorashada si aad u hesho wixii macluumaad ah ee ku saabsan doorashada saraakiisha koox kasta ee ka tirsan ururkayaga. Waxaan kugu dhiirigelinaynaa inaad is-sharraxdo aadna codayso.

Si aad u hesho wixii macluumaad dheeraad ah, booqo SEIU503.org/WeAre503

 

Salem

1730 Commercial St SE

Salem, OR 97302

 

Portland

525 NE Oregon St.

Portland OR 97232

 

Bend

925 SE Second St, Suite C

Bend, OR 97702

 

Eugene

488 E 11th Ave Ste 200

Eugene OR 97401

 

Pendleton

920 SW Frazer, Ste 120

Pendleton OR 97801

 

Medford

NEW OFFICE COMING SOON!

 

Corvallis

Adams Hall at OSU

606 SW 15th St, Room 109

Corvallis, OR 97331

(Kani ma ahan cinwaan boosto. U dir warqad xafiiska Salem)

 

NALA SOO XIRIIR

 

1.844.503.7348

IN IT TOGETHER

SEIU503.ORG

SEIU LOCAL 503

@SEIU503

@SEIULOCAL503

SEIULOCAL503

@SEIULOCAL503

 

WE ARE 503

KU JIRA: Ogeysiiska Magacaabista iyo Doorashooyinka Urur-hoosaadyada

DISEEMBAR 2023

 

BOGGA 2

 

Xuquuqaha Xubnaha Ururka iyo Mas’uuliyadaha Saaran Saraakiisha

Xeerka Warbixinta Shaqaalaha-Maamulka iyo Shaacinta (LMRDA) wuxuu dammaanad qaadayaa xuquuqaha qaarkood ee ay leeyihiin xubnaha ururka wuxuuna ku soo rogaa mas’uuliyado gaar ah saraakiisha ururka. Xafiiska Halbeegyada Shaqaalaha-Maamulka (OLMS) wuxuu dhaqangeliyaa qoddobo badan oo ku jira xeerka LMRDA halka qodobbada kale, sida qaanuunka xuquuqaha, keliya ay fulin karaan xubnaha ururka iyagoo u maraya dacwad gaar ah oo la horgeeyo maxkamad dawladeed.

 

Xuquuqaha Xubnaha Ururka

 

Qaanuunka Xuquuqaha – Xubnaha Ururka waxay leeyihiin:

• xuquuqo isku mid ah si ay uga qayb qaataan hawlaha ururka
• xorriyad hadal iyo isu imaatin
• cod ay ku dejiyaan sicirada lacagaha, khidmadaha, iyo qiimaynada mushaarka
• ilaalinta xaqa dacwad gudbinta
• dhowritaanada ka dhanka ah anshax marinta aan habboonayn

 

Nuqullada Heshiisyada Gorgortanka Wadareed – Xubnaha ururka iyo shaqaalaha aan ururka ku jirin waxay xaq u leeyihiin inay helaan ama baaraan nuqullada heshiisyada gorgortanka wadareed.

 

Warbixinada – Ururada waxaa looga baahan yahay inay u soo gudbiyaan warbixinta bilowga ah (Foom LM-1), nuqullada dastuurka iyo xeer-hoosaadyada, iyo warbixinta maaliyadeed ee sanadlaha ah (Foom LM-2/3/4) xafiiska OLMS. Ururadu waa inay diyaariyaan warbixinada ay heli karaan xubnaha waana inay u oggolaadaan xubnaha inay baaraan diiwaanada taageeraya sababta anshax marinta. Warbixinadu waa macluumaad guud nuqulladuna waxaa laga heli karaa Qolka Internet-ka ee Shaacinta Guud ee OLMS barta www.union-reports.dol.gov.

 

Doorashooyinka Saraakiisha – Xubnaha Ururka waxay xaq u leeyihiin inay:

• magacaabaan musharraxiinta is-sharraxaysa
• isku sharaxan xilalka
• dhiibtaan cod qarsoodi ah
• su’aal ka keenaan qaabka loo qabtay doorashada

 

Ceyrinta Sarkaalka – Xubnaha ururka ee maxalliga ah waxay xaq u leeyihiin habraac dhammaystiran oo meesha looga saari karo sarkaalka la soo doortay ee sameeyay anshax-xumo culus.

 

Ammaano-hayn – Ururada waxaa keliya gelin kara ammaano-hayn ururka aasaasay iyadoo la raacayo sababaha lagu xusay xeerka LMRDA.

 

Mamnuucida Anshax Marinta Gaarka ah – Ururka shaqaalaha ama mid ka mid ah saraakiishooda ma ganaaxi karo, eryi karo, ama sida kale anshax marin karo xubin gudanaya xaq kasta oo ku jira xeerka LMRDA.

 

Mamnuucida Rabshadaha – Qofna uma adeegsan karo hanjabaad ama kuma hanjabi karo inuu isticmaalo xoog ama rabshad si uu u faragaliyo xubin ka tirsan ururka oo gudanaya xaq ku jira xeerka LMRDA.

 

Mas’uuliyadaha Sarkaalka Ururka

 

Dhowritaanada Maaliyadeed – Saraakiisha Ururka waxaa waajib ku ah inay maamulaan lacagaha iyo hantida ururka iyagoo keliya u adeegsanayo inay uga faa’ideeyaan ururka iyo xubnahiisa si waafaqsan dastuurka ururka iyo xeer-hoosaadyada ururka. Saraakiisha ururka ama shaqaalaha lunsada ama xada lacagaha ama hantida kale ee ururka waxay fal-dembiyeed ka galaan Dawladda kaasoo lagu muteysan karo ganaax iyo/ama xarig.

 

Curaar-haysasho – Saraakiisha ururka ama shaqaalaha gacanta ku haya lacagaha ama hantida ururka waa in la siiyo curaar si aysan khasaaro u gelin haddii ururkoodu lagu leeyahay hanti iyo rasiidyo maaliyadeed oo sanadle ah oo ka badan $5,000 doolar.

 

Warbixinnada Ururka Shaqaalaha – Saraakiisha Ururka waa inay:

• u soo gudbiyaan warbixinta macluumaadka bilowga ah (Foomka LM-1) iyo warbixinnada maaliyadeed ee sanadlaha ah (Foomamka LM-2/3/4) xafiiska OLMS
• hayaan diiwaanada lagama maarmaanka u ah xaqiijinta warbixinnada ugu yaraan muddo shan sano ah

 

Warbixinnada Sarkaalka – Saraakiisha iyo shaqaalaha ururka waa inay soo gudbiyaan warbixinnada khuseeya deyn iyo macaashyo kasta oo laga helo, ama danaha dhaqaale qaarkood ee, shaqo-bixiyeyaasha ay shaqaalahooda metalaan ururada iyo ganacsiyada la macaamila ururadooda.

 

Doorashooyinka Saraakiisha – Ururadu waa inay:

• u qabtaan doorashada saraakiisha ururada maxaliga ah si qarsoodi ah ugu yaraan saddexdii sanaba mar
• qabtaan doorashooyin joogto ah si waafaqsan dastuurkooda iyo xeer-hoosaadyadooda waana meel dhigaan diiwaannada oo dhan muddo hal sano ah
• u diraan ogeysiis doorasho xubin kasta ugu yaraan 15 maalmood kahor doorashada
• u hoggaansamaan codsiga musharraxa ee qaybinta agabka ololaha
• u isticmaalin lacagaha ama agabka ururka ololaha musharax kasta (mana la isticmaali karo lacagaha ama agabka shaqo-bixiyaha)
• u oggolaadaan musharraxiinta inay keensadaan goob-joogayaal codka u tiriya
• u oggolaadaan musharrixiinta inay baaraan liiska xubnaha ururka hal mar 30 maalmood gudahooda kahor doorashada

 

Xakameynta Qabashada Xafiiska – Qofka lagu hela fal-dembiyada qaarkood ma noqon karo sarkaal urur, shaqaale, ama wakiil kale oo urureed muddo dhan ilaa 13 sano.

 

Deymaha – Ururka shaqaaluhu waa in uusan ku lahayn wax deymo waqtigooda la gaaray ah sarkaal ama shaqaale kasta oo wadar ahaan ka badan $2,000 doolar xilli kasta.

 

Ganaaxyada – Ururka shaqaaluhu ma bixin karo lacagta lagu ganaaxay sarkaal ama shaqaale kasta oo lagu helay inuu si ula kac ah ugu xadgudbay xeerka LMRDA.

 

Ku Biir Kulanka Bulsheed ee SEIU!

SEIU 503 waa urur ay ka tirsan yihiin qowmiyado kala duwan oo u dabaaldega dhaqamada kala duwan ee aan leenahay; waxaanu soo dhoweynaa dadka innagoo u marayna kulanno halkaasoo ay xubnuhu kula xiriiri karaan dadka kale ee ay wadaagaan waxyaabo badan.

 

Xubnaha ka qayb qaadanaya kulanka waxay ka turjumaan siyaasadeena, doorashada, cimilada, iyo siyaasadaheena kale ee shaqo ee saameeya kooxahooda kala duwan. Kulannada ayaa hagga indha-indheynta ururkayaga ee dhacdooyinka sida Bisha Taariikhda Dadka Madow, Maalinta Halyeeyada, Dia de los Muertos, iyo qaar kaloo badan.

 

Kulannadeenu waxaa ka mid ah AFRAM (Afrikan Ameerikaan), Dadka Asalka ah, ADPI (Dadka Aasiyaanka ee Jasiiradaha Baasifiga), Dadka Awoodaha Kala Duwan Leh, Dhaladka Latiin Ameerika, Qadaf Khaniiska (LGBTQIA2S+), Haweenka Madow, iyo Halyeeyada.

Kulannadu way isla shaqeeyaan waxayna la shaqeeyaan Guddigeena Cadaaladda Cimilada iyo Golaheena Haweenka ee u xilsaaran ololaha, dhacdooyinka, iyo hindisayaasha.

 

Ku aadi kaamarada telefoonkaaga gacanta koodhka QR si aad wax badan u ogaato!

 

Doorashada Xubnaha SEIU 503 Waa Muhiim

 

Ku guuleysiga qandaraasyada fiican ayaa kol hore bilaabata kahor inta aan la tagin miiska gorgortanka. Miisaaniyadaha go’aamiya mushaarka loogu talagalay xubnaha SEIU 503 iyo siyaasadaha saameeya goobaheena shaqo waxaa inta badan go’aamiya hoggaanka la soo doorto. Qandaraasyadii ugu dambeeyay ee lagu guuleystay ee loogu talagalay xubnaha SEIU ma aysan dhici layan xubnaha SEIU 503 la’aantood kuwaasoo gacan ka geystay doorashada dad qiimeeya shaqaalaheena goboleed, degmeed, iyo dawladeed.

 

CAPE (Citizen Action for Political Education) waa barnaamijka isxilqaam ee ururkayaga, oo ay siyaasadiisa hoggaamiyaan xubaha kuwaasoo dhaqaajiya geedi-socodkeena ansixinta oo go’aan ka gaara halka lagu maalgeliyo isxilqaamka tabarucaada ah ee laga helo xubnaha SEIU 503 si ay saamaynta ugu badan ugu yeelshaan xubnahayaga iyo shaqaalaha Reer Oregon. Dadka sida joogtada ah u bixiya $10, $15, ama $20 bil walba ayaa muhiim u ah ururka shaqaale ee metala in ka badan 70,000 oo shaqaale waana qaabka ugu fiican ee aan iskaga caabin karno saamaynta ay leeyihiin shirkadaha iyo dadka taajiriinta ah. Biirtooyinka CAPE ayaa u-qalma Gunnada Canshuur-dhaafka Siyaasadeed ee Oregon, taasoo dhan ilaa $50/sanadkii oo loogu talagalay shaqsiyaadka iyo $100/sanadkii oo loogu talagalay wada-xareystayaasha.

 

Inkastoo indhaha oo dhan ku wada jeedi doonaan doorashada Madaxweynaha sanadka soo socda, Ururkayagu kuma guuldareysan karo inuu arko waxa ka dhacaya gudaha Oregon. Waxaa jiri doona loolan doorash oo wanaagsan laga bilaabo xilka Xoghayaha Gobolka Oregon ilaa Guddiga Degmada sanadka soo socda, mid walbana wuxuu saameyn ku yeelan doonaa xubnaha SEIU ee ku sugan gobolkayaga oo dhan. Naga caawi in codkeena loo maqlo si sarre oo cad – ka qaybgal CAPE maanta!

 

 

Steve Strikebreaker

Sandra Solidarity

Scrooge McDuck

 

Ku Lug Yeelashada Xubnaha Reer Miyiga:

Dhimida Firaaqa Ka Dhex Jira Ururkayaga

Waxaa Diyaariyay Mike Powers, Madaxa SEIU 503

 

Urur ka hawlgalo gobolka oo dhan ahaan, oo ay xubnuhu hoggaamiyaan, waxaanu aaminsanahay awoodda midnimadu iyo wadashaqayntu leedahay, waxaana ku dadaalnaa inaan ku fidinio awooddaas qayb kasta oo ka mid ah Oregon, laga bilaabo magaalooyinkeena ilaa bulshooyinkeena reer miyiga ah.

 

Inaan u adeegno xubnahayaga reer miyiga ah waa muhiim, inkastoo ay jiraan fursado yar ee lagula xiriiri karo dadka kale shakhsi ahaan. Waxaan si joogto ah u weydiinaa xubnaha reer miyiga ah inay bixiyaan ra’yi-celin ku saabsan sida loo wanaajin karo

ku lug lahaanshahooda. Waxaanu qabanqaabinaa munaasabado badan oo maxalli ah, aqoon-is-weydaarsiyo, iyo shirar ka dhaca xarumaha dawladeed ee ka baxsan Portland iyo Salem. Maanta, madallada internet-ka ayaa awood u siiya xubno badan oo reer miyi ah inay uga qayb qaataan qaab aysan uga qeyb qaadan jirin waagii hore. Xubnaha ka socda Badweynta Baasifigga ilaa qararka Wabiga Snake ayaa awood u leh inay ku soo biiraan munaasabadaha iyo hawlaha Ururka si ka wanaagsan sidii hore.

 

Waxaa jira wax ka badan oo la qaban karo. Waxaanu la macaamilnay sharci-dejinta si aanu u wanaajino helitaanka internet ee ballaadhan ee reer miyiga. Helitaanka internet la isku halayn karo ayaa muhiim u ah qof walba, hadduu joogo miyi iyo haddii kaleba, iyo waayahan dhijitaalka ah ee maanta lagu jiro, khadka internet-ka waa lama huraan. Marka laga hadlo miyiga Oregon, waxay awood u siinaysaa xubnaha bixiya daryeelka guriyeed inay ku xirmaan adeegyada iyo agabka muhiimka ah ee loo baahan yahay si ay shaqadooda u qabsadaan. Oregon ayaa horay ugu maalgalisay $10 milyan oo lacagaha dawladeed ah khadka internet-ka miyiga ee 2020-ka, iyadoo $157 milyan oo kale lagu maalgeliyay xarkaha internet-ka. Oregon ayaa filayaa inay hesho ku dhawaad $700 milyan oo doolar.

 

Marka aynu u doodno wanaajinta khadka internet-ka ee miyiga, ma ahan oo keliya wax ka qabashada baahida loo qabo, balse waxaan sidoo kale muujineynaa sida ay nooga go’an tahay inaan noqono Urur ka hawlgala Gobolka oo dhan.

 

Waxaan isticmaaleynaa madallo onlayn oo adeegsadeyaasha ku habboon oo u oggolaanaya xubnahayaga miyiga inay si fudud u helaan macluumaadka, ka qayb galaan doodaha uguna lug yeeshaan hawlaha ururka. Waxaan rabnaa inaan hubino in meel kasta oo aad ku nooshahay aadna ka shaqayso, in xubnahayaga miyigu ay si firfircoon uga qayb qaadan karaan kobaca iyo guusha Ururkayaga.

 

Codka xubnaha miyiga waa muhiim. Waxaan aaminsanahay in marka ka qayb gelino xubnahayaga reer miyiga, inaan abuureyno Urur xoogan, loo dhan yahay oo u halgama xubnaheena oo dhan, iyadoon la eegin goobta ay ku sugan yihiin. Mrkaan kobcinayno dareenka bulsheed iyo isku duubnida, waxaan awood u siinaynaa xubnahayaga miyiga sidii ay qayb muhiim ah uga noqon lahaayeen Ururkayaga.

 

Ururkayagu wuxuu qiimeeyaa midnimada, xaqoorka, iyo u dhanaanshaha. Waxaan aaminsanahay in xubin kasta ay mudan tahay in la maqlo, la taageero, lana awood siiyo.

 

Sida Aynu u Doorano Hoggaamiyaasha Maxalliga ah

 

Doorashooyinka urur-hoosaadyada ayaa dhici doona inta lagu gudajiro afarta bilood ee ugu horeeya 2024. Macluumaad faahfaahsan oo khuseeya xilalka la soo doorto, waqtiyada doorasho iyo geedi-socodka magacaabista waxaa laga heli karaa onlaynka barta seiu503.org/WeAre503.

Foomamka magacaabista ee warqadda ah ayaa la heli karaa marka la codsado. Fadlan ka wac Xarunta Caawinta Xubinta (Member Assistance Center) lambarka 1-844-503-SEIU (7348) si aad u codsato warqadda magacaabista; Haddii kale magacaabista waxaa lagu soo gudbin karaa mareegta SEIU503.org/WeAre503. Gelitaan kumbuyuutareed ayaa laga samayn karaa Xafiisyada SEIU oo loogu talagalay xubnaha iyadoo loo sii marayo Xarumaha Farsamada ee Xubinta. Portland iyo Salem ayaa diyaar u ah in loo keeno warqadaha Isniinta – Jimcaha laga bilaabo 9 subaxnimo- 5 galabnimo. Fadlan ka eeg mareegta saacadaha warqadaha la keeni karo xafiisyada kale, ama waqtiyo kale ee la keeni karo warqadaha ayaa lagala xiriir karaa shaqaalaha.

Xubnaha doonaya inay xilalka u loollamaan waxaa lagu dhiirigelinayaa inay iskood isku sharaxaan. Xubnuhu waxay sidoo kale xaq u leeyihiin inay soo magacaabaan xubin kale. Sanduuqa codbixinta lahumma muujin doono in xubin si iskiis ah isku soo magacaabay ama inuu soo magacaabay xubin kale. Xubnaha uu soo magacaabo xubin kale ayaa looga baahan yahay inay aqbalaan magacaabista marka la gaaro waqtiga kamadambeysta ah ee lagu daabacay onlaynka. Waa inaad noqoto xubin u-qalma in loo codeeyo sida ay dhigayaan Xeer-hoosaadyada Ururka ugu dambeyn 26-ka Janaayo, 2024, si aad ugu qalanto inaad u loolanto jagooyinka la soo doorto ama cod dhiibashada.

Musharixiinta waxay soo gudbin karaan hal qoraal iyo/ama sawir iyadoon la egayn tirada xilalka uu murashaxu u tartamayo. Bayaanada iyo sawirrada musharixiinta ayaa la soo gelin doonaa onlaynka si xubnaha codeynaya ay dib-u-eegis ugu sameeyaan marka ay codeynayaan. Bayaanada musharraxiinta oo dhan waa in la soo gudbiyo dhammaadka magacaabista ugu dambeyn 26-ka Janaayo, 2024.

Inta badan urur-hoosaadyadu waxay adeegsan doonaan codeynta elektarooniga ah sanadkan, taasooka dhigan inaad heli doonto iimaylka lagu soo diro ciwaankaaga iimaylka ee gaarka ah si aad onlaynka ugu codeyso. Wixii doorashooyinka elektaroonigga ah oo keliya, wax macluumaadka codbixinta ah laguma soo diri doono boostada. Si loo xaqiijiyo sida urur-hoosaadkaagu u codeyn doono, booqo SEIU503.org/WeAre503. Si loo hubiyo in cinwaankaaga iimaylka ee saxda ah aan u hayno si loogu soo diro warqadda codbixinta, ka cusbooneysii macluumaadkaaga xiriirka onlaynka barta SEIU503.org/ContactInfo.

Urur-hoosaadyada 99 Daryeelka Guriyeed iyo Urur-hoosaadyada 200-220 ODHS/OHA oo keliya: Urur-hoosaadka 99 iyo Urur-hoosaadka 200 (oo ay ku jiraan 201-220) ayaa isticmaali doona codeynta elektaroonigga ah ee isku-dhafka ah iyadoo warqadaha codbixinta la heli karo marka la codsado. Haddii aad rabto inaad codsato warqadda codbixinta ee boostada lagu helo, waa inaad sidaasi sameyso ugu dambeyn 26-ka Janaayo, 2024, 5:00 galabnimo, adigoo wacaya lambarka 1-844- 503-SEIU (7348). Codsiyada waa in mar hore la soo gudbiyo si iibiyaha agabka doorashada uu u awooddo inuu u bixiyo warqadda codbixinta. Haddii aadan codsan warqadda codbixinta ee lagu helo boostada, waxaad ogeysiis iimayl ah ku heli doontaa iimaylkaga gaarka ah marka codeynta elektaroonigga ah ay furanto. Waxaad ka cusboonwysiin kartaa cinwaankaaga iimaylka ama macluumaadkaaga xiriirka ee kale onlaynka barta Seiu503.org/ContactInfo.

Warqadaha codbixinta ee beddelka ah/codka laga dhiibto goob fog ayaa la heli doonaa ilaa maalinta ka horreysa maalinta codbixinta. Booqo SEIU503.org/WeAre503 si aad u hesho wixii tilmaamo ah si aad u codsato warqadda codbixinta ee beddelka ah.

 

 

Kani waa ogeysiiska rasmiga ah ee magacaabista iyo doorashooyinka ee laguugu talagalay.

 

Jadwalka Shirka Golaha Agaasimeyaasha ee 2024

• 13-ka Janaayo, 2024, goobta: Isku-dhaf/ Salem
• 9-ka Maarso, 2024, goobta: Isku-dhaf/ Gleneden Beach
• 4-ta Maayo, 2024, goobta: Isku-dhaf/ Portland
• 22-ka Juun, 2024, goobta: Isku-dhaf/ Salem
• 1-da Agoosto, 2024, goobta: Golaha Guud/ Portland